دافع الإعلامي المصري عمرو أديب، عن مواطنه الممثل أحمد حلمي، بعد الإنتقادات التي تعرض لها بسبب فيلمه الجديد “النونو”.
وعلق عمرو أديب كاتباً: “الدنيا يبان إنها مقلوبة بسبب فيلم النونو لـ أحمد حلمي، وفي لجان مدسوسة هي اللي شغالة على الموضوع ده وتشيع إنه إهانة للشعب المصري ومصر، واحنا عارفين إن ده متظبط أغلبه، وفي ناس ولاد حلال غرضهم يدافعوا عن البلد”.
وتابع: “هو أحمد حلمي ده مش ابن مصر وعمل أفلام كتير قبل كدا، وبعدها تقرر إنه باع بلده مقابل رزمة ريالات؟، قبل كدا احمد حلمي عمل فيلم عسل أسود ونزل لقي البلد فيها سلبيات كتير، ولكن في ناس غرضها ليس الاصطياد في المياه العكرة ولكن غرضها تبوظ البلد وعايزاها مولعة وتعبانة وفيها توتر مهما الدنيا هديت”.
وختم: “دور النصاب في الفن المصري والسينما المصرية موجود منذ زمن، كما أنه بداخل هذا الفيلم يوجد نصاب سعودي، وكل شعوب العالم يوجد بها نصابون”.
