قبل ساعات قليلة، ضجت مواقع التواصل الإجتماعي بتسجيلات صوتية، قيل إنها تعود للفنان المصري حسام حبيب، ويتحدث فيها عن طليقته الفنانة المصرية شيرين عبد الوهاب، مشيراً إلى أن عائلتها أذتها، وهي سبب خلافها مع شركة روتانا.
وبعد تداول كبير لهذه التسجيلات، علق حسام حبيب لأول مرة على الموضوع، وقال: "أولا (الفويسات) دي أنا مصرحتش بيها، دي حاجات متسربة ومتاخدة من تليفوني، وأنا هقدم بلاغ ضد اللي عمل كدة، لأن دي مصرحتش بيها لحد، ولا للصحافة، ودي جريمة يعاقب عليها القانون، وأي حد هينشر كلام أنا مصرحتش بيه هتقدم ضده ببلاغ وأنا بحذر أي حد هيستخدم الحاجات دي"
وأضاف : "ثانيا، محتوى الموضوع أن أخوها مضى توكيل بأثر رجعي، إنه يتنازل عن مواقع التواصل الخاصة بشيرين عبد الوهاب دون علمها، دا كلام مقدم في بلاغ عن طريق الأستاذ ياسر قنطوش للنائب العام، وتقدروا تتحققوا من الكلام دا، أنا مابقولش كلام مرسل، ولا اتهامات مش موجودة، أنا بقول اتهام شيرين مقدمة بيه ببلاغ عن طريق محاميها".
وتابع: "أعتقد إن الناس بدل ما تهاجم المفروض تبدأ تفهم مين السبب في إن شيرين مش عارفة تتواصل مع جمهورها ولا عارفة تنزل أغاني جديدة وهما اللي تسببوا في مشاكل كبيرة جدا بينها وبين شركة الإنتاج بتاعتها، والناس المفروض تفهم ليه شيرين متعطلة وليه مش عارفة تنزل حاجة."
وختم في تصريحاته لبرنامج ET بالعربي: "سبحان الله أنا مقصدش إني أقول أي حاجة لأي حد، ولا أصرح على لسان شيرين بالكلام ده، أنا بتكلم مع حد في محادثة خاصة على تليفوني، وأي حد ياخدها ويسربها ده شيء غير أخلاقي، وأي حد يتداوله هيبقى بيعمل نفس الجريمة، إنما المحتوى سليم مقدم به بلاغات للنائب العام والنيابة العامة، ومش هسمح ولا الجمهور ولا المواقع تتكلم عني".