تحدثت الممثلة المصرية عايدة رياض عن إصابتها بالسرطان، وإخفاء الخبر عن جمهورها، وقالت: "بدأت العلاج بجلسات الكيماوي، وبعد أول ثلاث جلسات الدكتور قال لي إنتي هتعملي عيانة، ونزلت عملت مسلسل مع مي عز الدين، والدكتور طلب مني ألبس باروكة علشان لما الشعر يوقع بعد جلسات الكيماوي، وكنت عاملة دور أخت بوسي فى المسلسل، وطلبت منها من غير ما حد يعرف إن في ثلاث أيام في الشهر مش هقدر أشتغل فيهم، ومكنتش عاوزة أقول لحد".
وتابعت عايدة بتأثر شديد قائلة: "الممرضات كانوا بيقولوا لبعض إني جوه وكانوا يستأذنوني إن زملائهم عاوزين يقابلوني و كنت أشيل محلول الكيماوي وأطلع أقابلهم".
وأضافت: "الدكتور بعد ما خلصت الجلسات وعملت مسح ذري و طلع سليم الحمد لله، طلب مني أشيل المثانة وأركب مثانة صناعية، وروحت لكذا دكتور و قالوا لي لو هتعمليها يبقى في فرنسا لإن الست بتبقى أصعب من الراجل، واستخرت الله وقولت يا رب إنتا شفتني وأنا متوكلة عليك، وقولت للدكتور مش هعملها".
وجاء حديثها في برنامج "واحد من الناس"، من تقديم الإعلامي عمرو الليثي.
