كشفت مقدمة البرامج المصرية رضوى الشربيني عن مواصفات الرجل التي تبحث عنها في زوجها المستقبلي
فقالت الشربيني:"لازم يكون راجل قادر والقدرة هنا بمعنى إنه يكون قادر على العفو عند المقدرة، عشان ميبيصش على أخطائي ولا صغائر الأمور اللي أنا بعملها، وهيكبر دماغه ومش هيتلككلي ومش هيبص على عيوبي، ولازم يكون قوي ويشاركني كل أموري، ويكون سند وقوته دي تكون معايا مش عليا، ولما يقرر إنه مش عاوز رضوى الشربيني ميعملش أي حاجة غير إنه يجيني ويقوللي في وشي أنا آسف مش قادر أكمل".
وتابعت:"لازم يكون ناجح، مقدرش أتجوز راجل مش ناجح ولا أنا اكون أنجح منه، ويكون عنده طموح ويتقي ربنا في البني آدمين، ومكونش أنا أولهم لكن مامته وباباه، ولازم يكون بيحبني قوي وبيهتم بيا قوي، ويعرف يتعامل معايا لأن أنا صعبة، ويكون حنين وطيب ودمه خفيف عشان مقدرش أتجوز راجل دمه تقيل أبداً، ويكون شيك وخفيف في نفسه".
