بعد أن ضجت مواقع التواصل الإجتماعي في الفترة الأخيرة بخبر دخول الفنان المصري تامر حسني في غيبوبة، فاجأ تامر الجمهور مشوقاً لفيلمه الجديد، والذي يجتمع فيه مع الممثلة المصري هنا الزاهد، وهذا عبر نشر مجموعة صور عبر حسابه الخاص عالى موقع التواصل الإجتماعي.
تامر علق على المنشور قائلاً: "مساء الهنا على اغلى ناس على قلبي انا، دي صور من اول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثي للرجل في احداث فعلاً محيره جداً .. الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد و مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم و مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله و للأسف لسه مصورش علشان انزل صوره بس في اول يوم تصوير له ههريه صور و انتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله.."
الجمهور تفاعل بشكل كبير مع المنشور مؤكدين على حماسهم لمشاهدة فيلم يجمع تامر بهنا.
