علّقت الفنانة المصرية سمية الخشاب، على واقعة اعتداء عريس الإسماعيلية على زوجته قبل دقائق من حفل زفافهما، وكتبت في منشور على حسابها الخاص بموقع التواصل الإجتماعي.
وقالت سمية:" أنا زهقت أوي مجتمع ذكوري بحت وإهانة المرأة بقت حاجة عادية ويمكن تكون حق مكتسب كمان للراجل واحنا مش واخدين بالنا.. والمفروض أنها تسكت وتداري وتعدي عشان كلام الناس والفضايح والمجتمع اللي مبيسبش حد في حاله والذي منه، الفاتحة علي الجهل والتخلف والـ"لا إنسانية" عروسة الإسماعيلية".
وتابعت:" المفروض يبقي في مادة تتدرس في المدارس والجامعات خصوصا للبنات اسمها " كيفية الدفاع عن النفس" وتكون بتعلم الناس وخصوصا البنات ازاي يدافعوا عن نفسهم قدام الحيوانات البشرية اللي كترو أوي اليومين دول".