سردت الممثلة المصرية منة فضالي قصة مؤثرة عن وفاة طفل حديث الولادة الذي كان من المقرر أن تتبناه بعد تخلي والدته عنه وذلك من خلال نشرها صورة للطفل عبر حسابها الخاص بموقع التواصل الإجتماعي، وأبدت فضالي عن حزنها الشديد بعد وفاة الطفل.
وعلقت فضالي على المنشور ذاته موضحة حقيقة المأساة التي حلت بالطفل قائلة: "الولد ده اتولد من ٥ ايام امه خلفتوه في مستشفي في الفيوم وقالتلهم انا مش عاوزاه ارمو في الشارع الممرضه صعب عليها خدتو تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني".
وكشفت منة فضالي عن رغبتها بتبني الطفل قبل وفاته قائلة: "النهارده قولتلها هاتيه انا حتبناه لاني نفسي يبقي عندي طفل من شويه بتكلم اختها قالتلها الولد مات بعد ما ابتديت اخد اجرات التبني مش قادره اوصفلكم حالتي حقيقي ولا اوصف كرهي للست اللي خلفت حته لحمه ورمتها وراحت تشوف نفسها جالها قلب ازاي ترمي ضناها مهما كانت ظروفها ابنها ضناها ازاي في امهات ب القذاره دي بس يعلم ربنا اني كنت حخليه احسن حد في الدنيا مش الام اللي بتخلف الام اللي بتربي".
وعبرت فضالي عن حزنها الكبير بعد وفاته موضحة سبب سردها القصة قائلة: "انا بكتب البوست ده لاني فعلا موجوعه من قلبي وكنت فرحانه اني حاخد الولد بس ربنا مش رايد".
