حلّت الممثلة المصرية نيللي كريم ضيفة على برنامج بصراحة الذي يعرض على قناة الـ MBC1، إلى جانب الفنانة اللبنانية مايا دياب.
نيللي كشفت عن أصعب تجربة خاضتها في حياتها، وهي وفاة والدها عندما كانت في الـ16 من عمرها.
وقالت نيللي: "ساعتها مكنتش فاهمة مدى المصيبة والحدث، كنت صغيرة عندي 16 سنة، وماما وأخويا الكبير خبوا عني طول الوقت. بابا كان عيان فترة، وكل ما أسألهم عنده إيه يقولوا عنده برد وهيبقى كويس.. ماما عملت كل حاجة ممكنة عشان متأثرش قوي، ومشفتهاش ولا مرة بتعيط غير مرة واحدة لوحدها، طول الوقت كانت ماسكة نفسها، وبقيت كل ما أكبر أحس بفقدانه أكتر، لكن بحس بروحه موجودة معايا. يمكن أكتر واحدة بتحس بأبويا هي ماما، وهي عندها الروحانيات عالية جدا. من 7 سنين حصل لها جلطة في المخ، ساعات تقول كلام محصلش، وساعات تقول حاجات تحصل بعد أسبوع. أنا مؤمنة إن في ناس الروحانيات عندها عالية جدا، من كتر النقاء اللي في قلبهم."