كشفت هند، ابنة الممثل المصري سعيد صالح، إنها قالت لوالدها الراحل في طفولتها، إنها تكره الممثل المصري عادل إمام.
كشفت في ظهورها ببرنامج "كلمة أخيرة" الذي تقدمة الاعلامية لميس حديدي، ان سبب كرهها لعادل إمام يعود الى ان والدها كان يموت في كل الافلام التي يتعاون فيها مع الزعيم.
وقالت هند: "قولتله كذا مرة أنا مش بحب عادل إمام، وقت (مسجل خطر) و(سلام يا صاحبي) وغيرهم من الأفلام اللي مات فيهم كلهم".
وأضافت :"قالي ليه ده صاحبنا وجارنا، قولتله أنت بتموت على طول، ده بالنسبالي مش عدل، أنا كنت بستنام لما يجي من التصوير عشان أطمن عليه، ويقولي ما أنا خلاص قدامك أهو، أقوله ما يمكن هدومك مخرومة من المسدس".
وتابعت :"علاقته بعادل إمام كانت مسرح وسينما ومسلسلات وجيرة، العمارتين كانوا قدام بعض، وأولادي مع أولاد رامي وسارة في المدرسة، هما كانوا دايماً مع بعض من قبل التمثيل، ولما اتجوزوا قرروا يسكنوا قدام بعض مش صدفة، حياة كاملة مع بعض".
