أطلت الإعلامية رانية شهاب، وهي زميلتنا في موقع "الفن"، ومراسلتنا في قطر، والمسؤولة الإعلامية للفنان ربيع الأسمر، برسالة مؤثرة لربيع، وذلك عبر صفحتها الخاصة على موقع التواصل الإجتماعي.
وعلقت رانية :"الحمدلله المحبين كتار والكل سألوني ليه ما كتبت شي عنك لهاللحظة، لما بيتعلّق الخبر بشخص مثلك أكثر من أخ وأغلى من صديق، وبتربطني فيك عشرة عمر فيها خبز وملح وحلو ومرّ بحط الصحافة على جنب وبيصير كل همي أطمّن أنا عليك، خوف لجين وقلقها ورجفة صوتها بيكفوا ليرسموا صورة واضحة عن اللي صار، انا بعرف قديه قلبك كبير وقديه حامل جواته ناس ونقاوة ومحبة بتملّي الدني بكل معنى الكلمة سلامة قلبك اللي كل دقة منه زرعت فرح وخير بقلوب كتار".
وختمت رانية حديثها :"الوجع ما بيلبقلك، والضعف مش الك، والحمدلله قلبك قوي وتخطى المحنة بس الأهم كرمالك وكرمالنا حافظ على قلبك".
إشارة إلى رانية تميزت بعملها الإذاعي والتلفزيوني لسنوات طويلة، وبمقابلاتها التي أجرتها مع أشهر النجوم اللبنانيين والعرب، وبكتاباتها الموضوعية في الصحافة، وهي الصديقة الوفية للعديد من الفنانين والإعلاميين.
