بعد أن صرّحت الممثلة المصرية ياسمين صبري أن لا علاقة تجمعها بوالدها أشرف صبري، رد الأخير بمنشور في صفحته الخاصة على موقع التواصل الإجتماعي وشن هجوماً حاداً عليها، فنشر صور إبنته وعلّق: "بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟ أصدقاءنا كانوا بييجوا البيت بيشوفوها ولما كبرت جبتلها عربية ياريت الناس اللي يعرفونا، وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها".
وتابع: "الكدب ده بيبرر بالنسبة لها سبب عدم حضورها فرح اخوها ولو أب اهتم بفرح ابنه وزعلان ان اخواته ماجوش مش حيهتم ببنته؟ أنا عملت لها حياة كريمة راقية ومحترمة وما كنتش فاكر ان الرد حيكون كده والسر اللي الناس ما تعرفوش انها اتطلقت من الراجل المحترم الدكتور ده بسبب امها لانه حكالي وقالي امها خربت بيتنا".
وأضاف أشرف: "واتجوزت من ورايا وبدون علمي بعد التربية اللي عملتها لها وعشان كده انا مش معترف بجوازها اللي من ورا ضهري ده، وحسبي الله ونعم الوكيل".
