بعد موجة من الهجوم على الرجال في مصر من قبل السيدات، معتبرين أنهم لا يتحملون المسؤولية، خرج الممثل المصري مراد مكرم ليطالب بإنصاف الرجال من خلال صفحته على موقع التواصل الإجتماعي.
واعترض مراد على فكرة أن الرجال المصريين لا يتحملون المسؤولية والنساء تصرف عليهن، معتبراً أن أغلب الرجال المصريين يعملون ليلاً نهاراً من أجل توفير حياة كريمة لعائلاتهم.
وفي تفاصيل ما كتبه مراد:"معلش استحملوني شوية علشان بجد فاض الكيل....مش كل الرجاله انطاع،مش كل الرجاله مفخده و الستات بتصرف عليهم...مش كل الرجاله بيتهربوا من مسؤلياتهم ...ولا حتي الغالبيه....المشكله ان الستات الي متجوزه رجاله بجد ما بيعلنوش عن ده لانه الطبيعي او لانهم خايفين من الحسد ،انما الي متجوزين او متطلقين من الذكور ماليين الدنيا صراخ ،فبقت الصورة المتصدرة للعالم ان الرجل المصري انتيخ و عاله.....حرام عليكم....غالبيه الرجاله المصريين مطحونين علشان يوفروا حياة كريمه لولادهم،غالبية الرجاله المصريين متربيين علي المسؤليه و شيل الهم لانه جزء من تكوينهم ،ومعظمهم ما بيسمعش حتي كلمة شكرا بحجة انه واجبكم ،نسبه كبيره من الي ما بيصرفش علي ولاده مثلا في حالات الطلاق ،بيبقي عند مش انتخه.. ما بقولش ان ده صح ،بس برضه الستات فيه منهم بيقوم بأفعال تغيظ ،اصرف بس ما تشوفش ولادك غير بمزاجي،اصرف بس مالكش دعوة بتربية العيال مش عجباني تربيتك اومال اتجوزتيه ليه.....
كل راجل حسب تربيته و ماتنسوش ان الي مربياه ست زيكم.
لو فيه حسب الاخصائيات ٣٠% من البيوت بيعولها ست ،ففي ٧٠% بيعولها راجل ،يعني الغالبيه العظمي ،و ما تنسوش برضه اننا مجتمع يعتقد ان الراجل في الاصل عليه كل حاجه....و ده مش موجود بره طبعا و بالتالي ما بنسمعش عن ستات بتولول لان في الاصل الحياة عندهم مشاركه و كله بالنص.
رفقا بالرجاله يا جماعه ،فيه منهم شايل جبال ما يحتملهاش بشر.
الله يرحمك يا أبي ،رغم كل خلافاتكم كنت راجل و مهنم امي ،الي ماشتغلتش يوم في حياتها ."