علق الفنانون اللبنانيون على ما يحصل في منطقة الطيونة في بيروت، ومحيطها، من إشتباكات، بعد أن تجمع عدد من المحتجين أمام قصر العدل، رفضاً لقرار المحقق القاضي طارق بيطار في ما يتعلق بالتحقيقات بإنفجار مرفأ بيروت، وتطور الأمر إلى إشتباكات بين مسلحين داعمين للتجمع ومسلحين آخرين يرفضونه، وامتدت الإشتباكات إلى منطقة عين الرمانة، وكتبت الفنانة اللبنانية نجوى كرم: شو ذنب الطفولة المظلومة تعيش هالرّعب بعد غياب سنتين عن المدارس؟
وكتبت الممثلة نادين الراسي: منيح هيك؟؟؟!!!! حِلو هيك؟؟؟!!!! عم نقتِّل بعضنا كرمال ميييييين ؟؟؟؟ ليييييه؟؟!!! رجّعولنا ولادنا عالبيوت متل ما نزَّلتُوُن .
. حِلّو مصايبكُن بين الغُرف والأروقة السودا تبعكُن ما بعمرو الدم جاب حقّ !!
الممثلة ماغي بو غصن قالت: كمية الاستغراب من احداث اليوم من قبل المسؤولين تدل على طيبة قلوبهم عليه…نحنا واولادنا منتناقش بالوضع ومنقرر ازا بيروحوا عالمدارس او لا. تفاجأتووو ما هيك
الفنان زياد برجي كتب : معقول! وكيف بدنا الله يطلّع فينا إذا بعدنا قادرين نعمل ببعضنا هيك!؟ للأسف التاريخ يعيد نفسه…
الفنانة يارا قالت: يعني عنجد خلص الحكي… قرفنا نحكي قرفنا كلّ شيء… ما بعرف أيمتى بدنا نخلص بقى ونرتاح…
الله يسامحكم بس لا ما نقول شي غير… إلنا الله
وكتبت الفنانة مايا دياب: المشهد اليوم ببيروت مش بس بزعّل بيحرق القلب.. مناظر التلاميذ المرعوبين رجّعنا سنين لورا على مشاهد الحرب للي تركت جرح بقلب كل شخص فينا .. مصرّين زعماء الحرب يفرقوا الجار عن جاره والخي عن خيّو".
