شاركت الممثلة اللبنانية زينة مكي الجمهور مقطع فيديو مؤثراً عبر حسابها الخاص على موقع التواصل الإجتماعي، وثقت من خلاله سفرتها إلى الكويت من لحظة خروجها من لبنان إلى لحظة لقائها بعائلتها بعد أكثر من سنة ونصف السنة على آخر لقاء بينهما، وعلقت: " بعد سنة و ١٠ شهور … أو سنتين إلّا شهرين .
. حيالّا وحدة بتحسسكن بوقت أطول، كنت بالطيارة عم بسترجع "شريط" كل هالفترة .. صرت فكّر بكل شي مرقت فيه بهالسنة و ١٠ شهور و انتو بعاد عني.. قلت عنجد أجادني..
ما في شي ما مرق عليي هالسنة.. و ما في شي ما جرّبت اعملو لحتى شوفكن .. حسّيت حالي ب رحلة ابن بطوطة بس الفرق انو ما كنت عم بوصل … لدرجة صرت حِس انو ممكن ما شوفكن.. كل ما تظبط من ميلة يرجع يصير شي آخر تَكّة يمنعني اجي لعندكن.. بكيت كتير و تمسحت.. و رجعت بكيت..و رجعت تمسحت لأنو صارت المجية لعندكن متل الحلم..بس كل شي بوقتو .. متت ١٠٠ مرة بدونكن انا و بعيدة عنكن ..ما بعرف من وين اجتني كل هالقوة هالفترة..كيف المُحارب بيضل صامد بالمعركة لآخر نَفَس و شي إنّو يرجع عبيتو بيفرط؟ انا هيك هلّق..
هلق صار فيي قول انو و أخيراً رجعتلي الحياة.. صار وقت آخد نفس كبير انا و بحضنكن ما في أغلى من الأهل ما في"، كما كشفت عن حبها للكويت حيث ترعرعت وقالت: "وصلت إلى منزلي".
