تعرضت الفنانة المصرية ياسمينا العلواني لهجوم كبير، وذلك بعد أن نفت إرتداءها الحجاب، إثر تردد أخبار عن إرتدائها الحجاب، وكتابتها على صفحتها الخاصة على موقع التواصل الإجتماعي :"لكل واحد فرح لي من قلبه وأتمنى لي الحجاب، حابه أوضح إن الآوان لسه مجاش، ولما ربنا يريد أكيد هيحصل، الصورة اللي نشرتها مش أول مرة أنشرها، بالعكس نشرتها قبل كده كتير لأني بتفاءل بيها، والتعليق المرفق معاها كنت بوضح من خلاله إني بخف من كورونا واتحسنت الحمد لله".
وختمت حديثها قائلة :"شكرا لاهتمامكم ولدعواتكم ويارب تكون من نصيبي في يوم من الأيام، وادعوا لي بتمام الشفاء، وخلوا بالكم من نفسكم لأن كورونا فعلا مش سهلة ربنا يحفظنا ويحفظكم جميعا".
بعد هذا المنشور، إتهم بعض المتابعين ياسمين بأنها تريد أن تجعل من إسمها ترند، فقال لها متابع :"الناس هتفهم قصدك منين؟؟.. أنتي عملتي كده عشان التريند".
وقال آخر :"بتحوري وأنتي فاهمة ده كويس.. اطلعي ترند بشغلك وماتحطيش الحجاب في حواراتك".
وكذلك ترك لها أحد المتابعين هذا التعليق :"بطلي تحوير ملوش لازمة والضحك على العقول أنتي عملتي كدا عشان التريند، ولو كان عشان كورونا كنتي كتبتي ده ع الصورة، ومش وحش تكون حالتك نايمة وعايزة تطلعي على المسرح بس اطلعي بحاجة تتهضم مش بالحجاب والاستهانه بيه وبعقول اللي حواليكي".