بعد إنتصارها على مرض السرطان، شاركت الممثلة المصرية ياسمين غيث فرحتها مع متابعيها عبر صفحتها الخاصة على موقع التواصل الإجتماعي.
ونشرت غيث صورة وهي تحمل لافتة كتب عليها :"5 سنوات، تمكنت من مرض السرطان".
وعلقت غيث قائلة :" خمس سنين حياة على كف عفريت زي ما بيقولوا.. اللي اتقال لي إن أول 5 سنين همه أكتر 5 سنين critical، ولازم نتابع علشان الـcancer مايرجعش".
وأضافت :"لسة مش مصدقة، مش عارفة حصل إزاي.. وعدوا بصعوبة.. قوي.. ولسه لغاية دلوقتي بفتكر، بنهار، بحلم بكوابيس إنه رجع تاني وبصحي أصرخ وأعيط وأقول مش عايزة يحصل لي كدة تاني والنبي يا رب.. بخاف، بعمل check up كل 6 شهور،and it never gets easier.. كل مرة نفس الإحساس ونفس الخوف..".
وعن شعورها بالأمان بعد الإنتصار على الرطان، أكدت غيث أنها تشعر بالخوف دائماً وقالت :"عدم إحساس بالأمان اللي كنت حاسة بيه زمان وواخداه for granted.. كل مرة الدكتور بتاعي يقول لي ما تخافيش، لو عدا أول خمس سنين من غير ما ييجي تاني يبقي بإذن الله مش هييجي تاني.. وجه اليوم ده، بعد خمس سنين، من يوم ٦/٩/٢٠١٦.. اليوم اللي عرفت فيه إني عندي سرطان واليوم اللي عملت فيه العملية واتولدت من جديد".
أما بالنسبة للمعاناة التي عاشتها :"عديت بإيه؟.. عديت بحزن، ألم، وقت صعب، جنان وتشتت، عدم سيطرة على مشاعري وتصرفاتي، فقدان أمل، كره، حب، فرحة، تغيير، خناق، زعل، ناس بعدت.. قوي، وناس تانية قربت، وناس قربت وبعدين بعدوا، عصبية، غضب، عدم تقبل لنفسي، أرق وعدم راحة، إحساس إني حد ماعرفوش.. اتغيرت!".
وتابعت :"بقيت أوجع وعندي قلم أكتر بس أقوي وواثقة من نفسي أكتر، بقيت بساعد غيري وبدي اللي حواليا أمل!.. حبيت كل حاجة أكتر من الأول ومسكت في الحياة أكتر وابني روح قلبي كان أملي إني أكمل وأعيش علشان ماكنتش قادرة أقبل فكرة إني ماشوفوش بيكبر".
وختمت غيث حديثها قائلة :"ألف حمد وشكر ليك يا رب عدد كل حاجة خلقتها، ماهما شكرتك وحمدتك وعملتلك، عمره ما هيبقى كفاية! شكراً إني لسه عايشة وبعافر.. شكراً على أكبر نعمة في حياتنا، اللهم ديم علينا جميعاً يا رب نعمة الصحة، أصعب 5 سنين عدوا، فاضل 2 علشان أخلص بقية علاجي.. أيوه علاجي لمدة 7 سنين".