ردت الفنانة المصرية رنا سماحة على أنباء إنفصالها التي ضجت على مواقع التواصل الإجتماعي، عن زوجها الملحن سامر أبو طالب، وذلك بعد فترة وجيزة من إعلانها عن حملها.
وعلقت سماحة من خلال منشور على صفحتها الخاصة على موقع التواصل الإجتماعي، قائلة " عذراً أيها الترند، فلدي ما هو أغلى من كنوز العالم".
وأضافت سماحة :" اتعلمت في بيت أهلي أن العلاقة بين الراجل والست أمانة مينفعش تطلع بره البيت، خطيبتك مراتك طليقتك أياً كان الأمانة دي.. ولاد الأصول بس اللي بيعرفوا يصونوها وميفشوش أسرارها".
وتابعت: "ولاد الأصول بس الي مبيكذبوش ولا بيتدعوا على بعض بالباطل، ولاد الأصول مبيقذفوش المحصنات لأنها كبيرة من الكبائر، ولاد الأصول بس اللي مبيخونوش الأمانة، ولاد الأصول بس مبيفجروش في الخصام، ولاد الأصول مش محتاجين يستعطفوا حد ولا محتاجين يدعوا المثالية ـ بيسيبوا أخلاقهم تتكلم عنهم ومبيتكلموش هم عنها، ولاد الأصول مبيلقحوش على بعض مبيجيبوش سيرة بعض غير بالخير، ولاد الأصول بيعاشروا بالمعروف وبيفارقوا بالإحسان، ومبينسوش الفضل بينهم، ده اللي ربنا أمرنا بيه ده اللي اهالينا ربونا عليه ده اللي الإنسانية بتقوله، أي حاجة غير كده تبقى عدم تربية، وقلة دين، وانعدام أخلاق".
من ناحية أخرى وجهت سماحة رسالة للصحفيين الذين يحاولون التواصل معها من أجل التحدث عن حياتها الشخصية، وقالت: "بطلب من أي حد هيكلمني عشان يعرف أي تفاصيل تخص حياتي الخاصة يوفر على نفسه وميكلمنيش ميهمنيش السبق الصحفي ولا الشو الإعلامي ولا الأكثر بحثاً غير في شغلي فقط في الخير والفرحة وبس".
هذا وأكدت سماحة أنها لن تقع في فخ الحديث عن أمورها الخاصة حتى تصبح حديث الجمهور، قائلة: "انعدام الأخلاق ده مينفعش نزينه ونقول أوه ترند، في داهية الترند اللي ينسينا أخلاقنا وتربيتنا وأصولنا".
