رد الفنان المصري حمو بيكا على كل من وجه له الاهانات والانتقادات لانه لم يكمل تعليمه المدرسي والجامعي، في منشور على حسابه الخاص على مواقع التواصل الاجتماعي وكتب: بتقولو عني جاهل ومش متعلم .. مع ان دي حاجة .. انا عمري ما انكرتها ولا حتي خبيتها علي الناس ومن يوم ما ربنا كرمني واتشهرت وبقي ليا جمهور
بس هرجع واقولكم تاني انها حاجة مكنتش بايدي
وتابعت: انت بقي يا "متعلم " : التعليم علمك انك تقعد تعاير الناس بعيوبها؟ التعليم علمك ان تفضل تتنمر علي خلق الله ؟ التعليم علمك انك مباح ليك الشتيمه في حد هو اقل منك في شئ؟
اكيد لا فمتجيش من ورا شاشه وكيبورد تعمل فيها عم الناصح وانت اصلاً موركش حاجة تعملها !
وأضاف: انا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه
اتعلمت احترم الكبير والصغير .. اتعلمت اشقي واتعب من صغري اتعلمت اني مغلطش في حد .. اتعلمت حاجات كتير جداً في حياتي انت عمرك مهتتعلمها طول ما انت باصص للناس ..!
وختم: فكر في كلامك كويس وكومنتاتك كويس قبل ما تكتبها
وقبل ما تقول انك متعلم افتكر انك في "تربيه وتعليم" يعني التربيه قبل التعليم.