قالت الفنانة المصرية لبلبة عن الممثلة المصرية دلال عبد العزيز التي توفيت أمس بعد صراع مع المرض منذ إصابتها بفيروس كورونا، إنها كانت ترى دلال كثيراً لأنها كانت تسكن بالقرب منها على النيل، وكانت ترى شرفة منزلها.
وأضافت لبلبة :"من وقت ما تعبت، وأنا كل شوية أخرج أبص على بلكونتها، وأقول يارب تفتح بلكونتها وتطلع بقى علشان أشوفها وأتطمن أنها كويسة".
وأشارت لبلبة إلى أنها مثلت مع دلال في فيلم واحد قبل أن تتزوج دلال من الممثل الراحل سمير غانم، وقالت :"وأنا أذكر من الكواليس وأحنا بنشتغل الفيلم تقولى أنا بحب أوى سمير هو مش فى باله جواز بس أنا بحبه ونفسى أتجوزه".
وأضافت لبلبة في حديثها لجريدة "الوطن" المصرية، أنها في ذلك الوقت كانت تعمل مع سمير غانم في أحد الأعمال، فأخبرته بأمر دلال :"قولتله ياسمير مش فى أى وقت الإنسان بيلاقي حد بيحبه كدا، ودلال بتحبك ودى إنسانة محترمة وجميلة وست طيبة وعلى سجيتها لازم تتجوزها، وفعلا اللى حصل أنهم اتجوزوا".