عبّر الملحن اللبناني هشام بولس عن غضبه ممن يتبعون زعيمهم في لبنان من دون تفكير فيما أوصلوا اللبنانيين إليه من فقر وانهيار على كل المستويات.
وعلق في صفحته بموقع للتواصل الاجتماعي فكتب :"هيدا اللّي معلّق صورة زعيمو عندو بالبيت، وبرّادو فاضي، وكهربتو مقطوعا، وسيّارتو منشّفي (إذا معو سيارة)، وصبّاطو منقور، وما معو حقّ دوا (إذا لاقى أصلاً)، ومكسور عا أجار بيت وكمبيالات، وولادو ومرتو بالكاد عايشين، وبيقاتلك إذا بتجبلو سيرة زعيمو! هيدا شو حلّتو؟؟ شو توصيفو؟؟".
ورد عليه الشاعر منير بو عساف فكتب :"هيدا بتقللو هيدا الشّي يللي قلتو من مدّه: طَمِنّي كِيفو زَعيمَك؟! بَعدو عايش بِ صَميمَك؟! هَيدا للّي بتِهتُف بِ حَياتو وكرمالو إنبَحّوا زلاعيمَك! إذا بَعدو الخَط الأحمَر يعني مِنّك ما في أحمَر إنشالله تجوع زياده وتِفقَر وتموت والله لا يقيمَك".
ليعلق بولس على رد بو عساف قائلاً :"الله يسمع منك".
