نشرت الفنانة السورية هويدا يوسف صورة في حسابها الخاص على موقع التواصل الإجتماعي، مرفقة بتعليق قالت فيه :"هالكلام اللي أحدهم يالي عامل حالو مغني ونجم كمان مين شايفك أصلا لا وبكل ثقة قاعد عم تتعدا على غيرك وبتحكي الي مستغربتوا محادثاتك معي موجودة اي عم قولها علني انت لا صوت ولا موهبة والي قلك بتعرف تغني عم بيضحك عليك غشك يا هبيلة".
وتابعت هويدا بالهجوم من دون ذكر أسماء:" انت ما بتعرف الدو من الري ولا تملك الكريزما ولا الموهبة ولا شي الصوت الحلو نعمة أما على الأخلاق ما راح احكي لان بتحكيني عالخاص وبالصحافة عم تحكي علي ضحكتني يمين بالله انت مجنون رسمي عالعصفورية طوالي يابه عديها يا عيب الشوم".
نشير إلى أن هويدا حذفت هذا المنشور، لاحقاً.
من جهة أخرى، اعتبر الفنان السوري عدي أيمن أن هذا الكلام الذي قالته هويدا هجوم عليه، وتواصل مع موقع "الفن" متحدثا عن تفاصيل الخلاف بينهما، فققال إنه سئل عدي في مقابلة في إحدى المجلات عما إذا كانت هويدا هي الفنانة رقم 1 في سوريا أم أصالة نصري، وأجاب بأن لا وجه للمقارنة بينهما على أي صعيد، وأضاف: "عيب أن نقول هويدا أم أصالة نصري، هذا استخفاف من قيمة أصالة نصري"، وقال :"على شو شايفة حالك".
لاحقاً، كتب عدي عبر صفحته الخاصة على موقع التواصل الإجتماعي :" هويدا يوسف إحتراماً لسنك بس! لأنك أكبر من أمي حتى
فمارح رد على تخلفك وسوقيتك..
لأنك لو كنتي بتحترمي نفسك كفنانة ما بتحكي بهيك طريقة شوارعية.
لو عندك ثقة بنفسك كان تقبلتي رأيي
متل ما انا تقبلت رأيك.. لما حكيتي عليي بضهري.. وبكرر لا مقارنة بينك وبين اصالة
لا صوتاً ولا تاريخاً".