عبّر ولدا الممثلة الراحلة نادية العراقية عن إشتياقهما الكبير لوالدتهما، بعد أن زارا قبرها لإحياء يوم ميلادها.
ونشرت إبنتها مي صورة لشقيقها وهو يجلس الى جانب القبر، وأحضر معه الورود وطبق كبير من السوشي، وهي الأكلة المفضلة لوالدتهما، وقد بدا عليه التأثر والحزن الشديدين.
وكانت مي نشرت مقطع فيديو عرضت فيه مجموعة من صور أمها، وأرفقته برسالة مؤثرة قالت فيها: "ماما اول عيد ميلاد ليكي متبقيش جنبنا و معانا أكيد انتي دلوقتي في الجنة و مبسوطة مع الملائكة و تيتا و جدو و اخواتك.. كان نفسي اقولك كل سنة و انتي طيبة و ابوسك و احضنك و اعملك مساچ زي ما كنتي بتحبي .. " وتابعت "و الله يا ماما انا مش مستوعبة إنك خلاص مشيتي و سبتينا من غيرك اتكسرنا من غيرك يا أمي انا فعلاً مش قادرة اعيش من غيرك انا عايزاكي و عايزة اشوفك بس عارفة انه مينفعش لأنك عند ربنا الرحمن الرحيم و اكيد مبسوطة.. شكراً يا ماما على كل لحظة عشتيهالنا و على كل لحظة ضحكتينا و طبطبتي علينا انا بحبك اوي بجد يا روحي .. دايماً كنتي بتحمينا و حتى لما مشيتي بتحمينا .. انا بحس بيكي حواليا و بحس بانك بتطبطبي علينا الحمدلله ربنا مصبرنا بس احنا موجوعين اوي يا ماما محدش فينا مستوعب احنا حاسين انك مسافرة زي كل مرة و راجعة تاني وسطنا.. عمري ما كنت اتخيل اني هكتب كده و لا اني هحس الاحساس الصعب ده كنت دايماً واثقة انك هتفضلي عايشة و ربنا هيفتكرني قبلك بس ربنا أراد حاجة تانية الحمدلله ماما الله يرحمك و يكرمك بجنته و سامحيني على اي حاجة كل سنة جاية و انتي في الجنة و بين ايدين ربنا بحبك و تعاليلي في الحلم اشوفك".
