توفيت الحاجة عايدة أمين الحكيم والدة الملحن اللبناني بلال الزين بعدما افترقا عن بعضهما بسبب الأوضاع في لبنان حيث اضطر بلال للسفر الى السويد ووالدته الى كندا، وفارقت الحياة يوم أمس.
وكتب بلال الزين عبر حساه الخاص على موقع التواصل الإجتماعي قائلاً: "كتبت بأوّل الغنية.. يا إمي دخلك قوليلي ببقى أو بروح..
و كتبت بآخر الغنية.. خايف يضيعنا الهوى.. شي يوم و ما نبقى سوى.. و إحكم يا إمي عفراقكن بكير..
و اللي كنت خايف منه صار يا إمي..
لبنان اللي كنت عم قول عنه حلو.. طلع حتى أبشع من الموت يا إمي.. لأن سرقنا من بعض قبل ما الموت يسرقنا من بعض.. ودّاني عالسويد.. و ودّاكي عكندا.. و قعدنا نتحسّر على فراق بعض.. و على فراق أحبابنا اللي بقيوا عم يتعذبوا بلبنان اللي كنت عم قول عنه حلو!!
اليوم.. مات الطفل اللي فيي..
اليوم.. ماتت الحنيّة..
ماتت إمي.. و خلصت الخبريّة.
الله يرحمك يا ماما".
من أسرة موقع "الفن" نتوجه للملحن بلال الزين بأحرّ التعازي بوافاة والدته.
