في "عندما يكتب القارئ" ننشر قصائدكم وآراءكم في المواضيع الفنية، لتكون لمحبي كتابة الشعر فرصة ليوصلوا قصائدهم إلى أكبر عدد من القراء، إضافة إلى تلقينا آراء القراء في مختلف المواضيع الفنية ونشرها.
بقلم رانيا الحلو
مشهد 1 : خارجي نهاري - حي لبناني
روزين في الخمسين من العمر على سطح منزلها تنشر الغسيل ، سعاد على السطح المجاور تلم الغسيل ،
روزين : كيفك يا جارة
سعاد : من الله مناح ، ومن الدولة عكرتي
روزين : سمعت انو عبير بدها تصفي محل التياب ، خلص بدها تسكر
سعاد : ليش مين عم يلبس بعد ، مزروبين بالبيت صرلنا سنة
روزين : اذا ما عم نلبس ومنضل نغسل و ننشر
سعاد : غسيل بيجامات ، يلا بخاطرك ، بدي فوت عالبيت الطبخة على النار
روزين : مين عم يلبس ، كل يوم بتلبسي بلوزة شكل ، شفنا غسيلك
مشهد 2 : داخلي نهاري - محل عبير للالبسة
تدخل سعاد محل عبير ،
سعاد : شو قال عم بتصفي
عبير : مين لي خبرك
سعاد : رويترز الحي ، روزين
عبير : لا بعد ، بس عم فكر بالموضوع
سعاد : ليش مين عم يشتري تياب من عندك غيري
عبير : في انت وكم زبوني ، ولادهم مغتربين
سعاد : قصدك انا وكم وحدة عايشين لحالنا ، البيت فاضي
تدخل روزين : البيت فاضي والجيبة مليانة ، شو عبير وين الصولد؟ على اساس عم بتصفي؟
سعاد : لا عم بتصفي ولا شي
عبير :عم صفي كم قطعة
روزين : قلتيلي بدك تسكري
عبير : كرمال لي خايف يفوت يشتري يتحمس يفوت
سعاد : ما فهمت شي!
روزين : انا فهمت ، مشي سعاد هاي عبير وحدة كذابة ، قدامي بتقول عم بتصفي كرمال انا اشتري ونفعها وانت لانو معك ما بتقول عم بتصفي .
عبير : مش هيك ، بس انو لي ولادو برا غير لي ولادو هون
سعاد : اه لانو لي ولاده برا ، عم بجيبو المصاري على الهين
روزين : طيب يا عبير انا بفرجيكي
سعاد وروزين خارجتان من المحل
سعاد : شو بدك تفرجيها
روزين : انت كمان كلمة وقلتها ، قديش بيبعتلك ابنك من كندا ؟
قطع ...
إلى القراء الذين يرغبون بأن ينشروا قصائدهم، أو أن يعطوا آراءهم في المواضيع الفنية، يرجى إرسال قصائدكم أو آرائكم وصورة لكم عبر البريد الإلكتروني [email protected].
