نشرت سالي أبو جودة حوراني زوجة الممثل اللبناني ميشال حوراني صورة لهما بمناسبة عيد الحب وأرفقتها برسالة رومانسية طويلة عبّرت من خلالها عن مدى حبها له، كاتبة: "١٣ شباط، من أول ما تعرفت عليك وهالتاريخ صار أحلى تاريخ بكل السنة.
.. وبكل حياتي. يوم ورا يوم شهر ورا شهر سنة ورا سنة عم حبك أكتر وأكتر. عمر عم يمرق ومعو مرق وعم يمرق كتير لحظات حلوة ما بتنعد وأكيد صعوبات وتحديات تخطيناها سوا. اليوم ومن بعد إصابتك وشفائك من الكورونا بدي قللك انو هالتجربة كانت أصعب شي مرقنا في وإنو كانت أكتر مرة بحياتي خفت عليك فيا! انشالله يا رب ما يصيبك شي ولا مرة بقا بحياتك. بحبك كتير وبحب كل شي فيك. بحب كل شي بحياتنا مرق وعم يمرق ورح يمرق. بحب قلبك بحب أحلامك بحب طموحك بحب إصرارك وبتمنى من كل قلبي توصل للمطرح اللي حابب توصلو بشغلك بأقرب وقت وأنا أكيدة رح توصل رغم كل شي بتمنالك عمر طويل مليان نجاحات متل ما بيلبقلك يا حبيبي ورفيقي وكل حياتي".
