نعى عدد من المشاهير زوجة الفنان والملحن وسام الأمير الراقصة الراحلة ناريمان عبود التي توفيت أمس السبت في 13 شباط/فبراير نتيجة معاناتها مع مضافات فيروس كورونا.
الفنانة يارا كتبت :"ما عم بقدر صدّق الخبر، ما عم لاقي الكلمات ما بعرف شو بدي قول ما عم يطلعوا منيضيعانك يا أجمل وأرقى فنانة ناريمان عبود وإنسانة بكل مواصفاتك وهالروح الحلوة شو بدي احكي بعد ما بيخلص الحكي محروق قلبي والله.الله يصبرك يا حبيب قلبي وسام الأمير ويصبّرنا كلنا وتكون نفسها بالسما".
الفنانة إليسا علقت :"ما عم صدّق شو هالخبر الحزين ومصدومة أدي الحياة ظالمةيا الله شو كنت حبا. من كل قلبي زعلت على ناريمان الملكة بكل معنى الكلمة. الله يصبّر قلبك يا وسام، ويعزيك مع عيلتك على هالمصاب ! فعلأ خسارة!".
الليدي مادونا عبرت عن حزنها الشديد وشاركت صورة للراحلة من يوم زفافها وهي تغني للعروسين في صفحتها على موقع للتواصل الاجتماعي ورثتها وعلقت عليها: الله يرحمك رح ضل صليلك، وتابعت :"بعدني ما عم صدق ، والله اني مصدومة بخبر وفاتك يا صديقتي ناريمان. قلبي حزين...الله يرحمك، المسيح قام".
الملحن ملحم أبو شديد كتب :"خبر مفجع..ما عم بستوعب. وما عم بقدر صدق هالخبر .اللي نزل متل الصاعقه..رحيل ناريمان عبود بعد صراع مع الكورونا..الله يرحمك وتكون نفسك بالسما مع الملائكه.وتعازينا الحاره الى الصديق والخي الملحن وسام الامير الله يصبرك ويعطيك القوه".
الفنان هشام الحاج :"خبر مفجع وفاة السيدة ناريمان عبود زوجة الفنان والصديق الغالي وسام الامير اتقدم منه و من العائلة الكريمة باحر التعازي نسال الله ان يلفها برحمته و العمر الطويل للجميع".
