أعلنت الممثلة الأردنية زين كرزون إصابتها بفيروس كورونا، ونشرت عبر صفحتها الخاصة على موقع التواصل الإجتماعي مقطع فيديو، قالت فيه:"الله لا يدوق حدا هالكورونا.
. وجع المفاصل والظهر والرّاس.. الله لا يدوقه لحدا ان شاء الله".
وأضافت: "ما عم إطلع من غرفتي، وإذا بدي إطلع عم حط الكمامة كتير تعب الكورونا تعباني كتير، حاسة كل جسمي بيوجعني ووجع راس مش طبيعي، ورح غيب عنكم شوي شي 4 أو 5 أيام لأن فعلياً مش قادرة".
وتلقت كرزون الكثير من التعليقات التي تمنت لها الشفاء العاجل، فيما كان هناك تعليق لافت لإحدى المتابعات التي إتهمتها بالكذب، وأن خبر إصابتها مجرد دعاية إعلامية.
وردت عليها كرزون بالقول:"ما رح أدعي عليكي إنه الله يصيبك بكورونا.. لأنه ما بتمناها للعدو، ياربي شو انها صعبة، بس في حدا بيعمل إعلان كورونا.. يعني هاي جديدة ما مرقت عليّ".
وأضافت:"الله يعينك على عقلك وتفكيرك ياربي.. سبحان الله النّاس.. يعني مش فاهمة كيف وحدة تختلق انه معها كورونا.. والله لا يدوقك ياها.. وما بتمناها لأي حدا”، وختمت قولها: “حسبي الله ونعم الوكيل".
