أعلنت الإعلامية المصرية بسمة وهبة رسمياً إنفصال الفنان المصري عمرو دياب والممثلة المصرية دينا الشربيني ، كاشفةً عن السبب وراء الإنفصال.
ونشرت عبر صفحتها الخاصة على موقع التواصل الإجتماعي مقطع فيديو، علّقت عليه بالقول :"م الآخر ده سبب إنفصال عمرو دياب ودينا الشربيني".
وقالت في الفيديو :"أنا النهاردة يا جماعة بما إني قابلت النجم الجميل عمرو دياب فأنا عرفت هو ودينا الشربيني سابوا بعض ليه، للأسف مضطرة أقولكم إنهم سابوا بعض من نبرّنا يا جماعة".
وأضافت: "عمرو دياب قمر يا جماعة وجميل وبيبي ومتواضع وكل حاجة حلوة فيه، وهي كمان كل حاجة حلوة فيها على فكرة، جبناهم الأرض للأسف، حسد وعينينا ونبرّنا عليهم، وحتى بعد ما سابوا بعض مش سايبينهم في حالهم وبنسخنهم على بعض".
وتوجهت إلى الإعلامي تامر أمين والذي كان قد هاجم في وقت سابق الشربيني؛ قائلةً: "تامر يا أمين مفيش داعي البوتاجاز، مفيش داعي يا تامر، بالراحة عليهم يا تامر أنت جاي تهدي النفوس، وبعدين يا تامر أومال أما أنت تعمل كده أنا هطلع أعمل إيه في برنامجي الجديد؟ أعمل إيه أنا؟".
وتابعت: "يا جماعة بجد بالراحة على الناس، لو في 1% احتمال أنهم يرجعوا لبعض مش هيرجعوا، لما أروح أقول لعمرو دياب دينا بتقول عنك كذا وكذا، ونروح نقولها ده هو قصده عليكي في أغانيه، يا جماعة حرام عليكم والله العظيم، يا رب يا جماعة لو كان في خير يصلح لهم حالهم".
ووجهت نصيحة لعمرو دياب ودينا الشربيني، قائلةً: "الفلوس ممكن تشتري أي حاجة في حياتنا، إلا الحب مالوش ثمن ولا سعر، اللي يلاقي حب في حياته حلو وجميل يمسك فيه وتنازلوا وحاولوا، ونصيحتي من باب الخير وبلاش تستغنوا عن الحب بالسهولة دي".