أطلق مدرب الصوت طوني البايع أغنية ميلادية جديدة تحية لارواح ضحايا مرفأ بيروت تحت عنوان "ليلة عيد الحزينة".
وطرح البايع الأغنية عبر يوتيوب على طريقة الفيديو ليريك مستعيناً بصور الضحايا الذين سقطوا في الإنفجار. وعلّق البايع قائلاً: "هالعيد مش قاطع معنا غير ما نفكر فيكن ... ليلة عيد الحزينة - تحية لارواح شهداء وضحايا بيروت - الله يصبر المحزونين - طوبى لكم لانكم تعزون ... ولد المسيح هللويا ليلة عيد... حزينة !"
وتابع قائلاً:"بلحظة وقف الزمن عفراق اللي غاب وكان غالي الثمن وداع الأحباب ... لكل العيل يلي فقدت محبين بانفجار مرفأ بيروت،تحية لارواحن الطيبة ووقفة تضامن معكن بهالجرح المرير. يسوع اجا كرمالكن ... طوبى لكم لانكم تعزون ... ولد المسيح هللويا".
وتقول كلمات الأغنية: "
كان الحزن كبير
الليل بوجعو داب
شمس الفرح بكّير
غابت تحت تراب
بلحظة ألم مجنون
جفّت دموع الناس
بغصّة صمت مسجون
عصوتو تبكي جراس
جايي العيد و بعدو بعيد
غاب بقلوب الكل
شاف الناس و صار محتار
بيبقى أو بي فل
ضاع العيد بلون جديد
أسود لون اللوم
غير يا عيد اللي صار
زراع الأمل اليوم
بلحظة وقف الزمن
عفراق اللي غاب
وكان غالي الثمن
وداع الأحباب
قاتل كان الشعور
قاسي بوجع البرد
ما عاد بالسما طيور
ودبلت حقول الورد
جايي العيد و بعدو بعيد
غاب بقلوب الكل
شاف الناس و صار محتار
بيبقى أو بي فل
ضاع العيد بلون جديد
أسود لون اللوم
غير يا عيد اللي صار
زراع الأمل اليوم"
