بسبب مروره بأزمة صحية مستمرة منذ عامين وبعد أيام على حادثة سقوطه على مسرح ساقية الصاوي وتحديداً نهار الجمعه الماضي وعدم قدرته على اكمال الحفل، فاجأ الشاعر الغنائي المصري عمرو حسن الجمهور بإعلانه إعتزاله الفن.
وكتب عبر صفحته الخاصة على موقع التواصل الإجتماعي رسالة طويلة إليكم بعض ما جاء فيها:"الرحلة انتهت. بعد طول تفكير وبكامل ارادتي وبسبب ظروف صحية دامت لأكتر من سنتين دون الافصاح عنها واستمر معاها عدم قدرتي على الوقوف على رجلي والالتزام بجلوسي على كرسي من اكتر من سنة وانتهت بسقوطي على مسرح ساقية الصاوي نهار الجمعه اللي فاتت وعدم قدرتي على اكمال الحفل".
وأضاف:"أنا عندي مشكلة صحية كبيرة في رقبتي واشتباه في ورم وبحة في حنجرتي بتوصل لعدم قدرتي على الكلام بعد كل حفلة لمدة يوم وأحياناً اتنين وتغيّر في نبرة صوتي غير اعتمادي على كميات كبيرة من المسكنات بسبب آلام عضلية مزمنة بتوصل بيا للصراخ في أوقات كتيرة غير الام التهاب المريء المزمنة واللي معايا من أكتر من ١٢ سنة وكنت بسببها قبل حفلاتي وبعدها مابخرجش من الحمام كاتم الآلم والالتهاب اللي بياكل فم معدتي".