وقفت الممثلة المصرية هنا الزاهد بالمرصاد لمهاجمي زوجها الممثل المصري أحمد فهمي، بعد أزمة خلافه مع لاعب نادي الزمالك محمود عبد الرازق (شيكابالا)، بعد المباراة التي جمعت ناديي الأهلي والزمالك، في نهائي بطولة دوري أبطال أفريقيا، والتي إنتهت بفوز الأهلي وتتويجه بالدوري.
وكتبت هنا في صفحتها الخاصة على موقع التواصل الإجتماعي:"بعيدا ان شهادتي في مجروحة لان الناس هتقول بقول الكلام ده عشان جوزها. انا لا بفهم في الكورة و لا بتفرج عليها بس بشوف قد ايه الانسان ده بيحب يكون عفوي و بينسى انه ممثل و بيتعامل مع كل الناس بكل زوق حتى في الشارع و في التصوير و في كل مكان و الناس اللي عرفاه عرفين ده كويس. انا عارفة انو الناس بتفضل تقول لا ده ممثل مينفعش يقول رأيه. بس للاسف الانسان ده بينسى و بيخسر من كتر م هو اللي ف قلبه على لسانه و مش بيحب ينافق و لا بيرضي حد عشان يكسب جمهور زي م ناس كتير بتعمل كده".
وأضافت: "لما بيكتب رأيه بيكتبوا على اكونت فيس بوك اللي في صحابه زيه زي اي حد اهلاوي بس للاسف بتطلع اخبار بالكلام اللي بيقولوا عموما انا عايزة اقولك انك قلبك طيب و عفوي بزيادة و بتقول اللي جواك من غير متحسبها عشان بتنسى انك ممثل اصلا بس الايام دي مينفعش تبقى كده للاسف . و اعمل اللي يريحك لانك انسان و احنا كده كده بنحبك جدا".