تحدثت الإعلامية المصرية لميس الحديدي عن إصابة اللاعب محمد صلاح بفيروس كورونا، وقالت الحديدي :"صلاح غلط ولا ماغلطش؟ أكيد جزء فيه غلط وفيه جزء ضغط اجتماعي وهذا له علاقة بحب الناس لمحمد صلاح خاصة مع وجود مناسبة مثل فرح شقيقه وفيها الأقارب وأهله وناسه، الناس عاوزاه يتصور معاها وده الجزء الاجتماعي، لازم كان هيتصور معاهم لانهم أكيد بيقلوله إتصور معانا وخليك وسطنا إنت كبرت علينا؟ ودي نوعية الضغط الاجتماعي اللي ممكن يتعرض له لاعب زي محمد صلاح".
وأضافت في برنامجها "كلمة أخيرة" على قناة "ON" :"لكن هذا لايعني الضغط الاجتماعي فقط لكن هناك مسؤولية تقع على عاتقه أن يقي ويحمي نفسه لأنه مسؤول ومهم جدًا في المنتخب المصري وعضو مهم في ليفربول. أنا قلت قبل كده مافيش حد هيمشي ورا الناس يقلهم إلبسوا الكمامة، لكن كل شخص مسؤول عن حماية نفسه وده واجب اجتماعي على محمد صلاح لانه قدوة لكن معلش كان هناك ضغط عليه".
