رد الفنان المصري تامر حسني على الممثل أحمد السقا بعد الاعتذار له، وكتب تامر قائلا :"حبيبى يا صاحبي حصل خير أنا عمي ما أزعل منك ولا أشك لحظه في جدعنتك مع الناس كلها جايز كان في النص بينا ولاد حلال كتير أنت السقا حبيب قلبي وكدا الجمهور هيستنانا في الحفلة اللي جايه بجد سخن صوتك واستعد للدويتو القادم يا أغلى و أنضف الناس".
وكان قد حرص أحمد السقا، على توجيه رسالة اعتذار لتامر حسني بعد تصريحات الأول في برنامج "السيرة" مع الإعلامية وفاء الكيلاني، حين عاتب السقا تامر حسني بسبب مشاركته معه في فيلم الفلوس كضيف شرف ليفاجأ بتصدر صورته واسمه على بوستر العمل كبطل للفيلم، وكتب السقا بإعتذاره :"رسالة إلى صديق عزيز صديقي وأخي العزيز تامر حسني أنت عارف اللي بيني وبينك عيش وملح وحاجات كتير....قد أكون أخطأت اني اتكلمت في الموضوع ع الهوا ولكن يعلم الله كم كنت مجروحا وكم كنت حزينا.. مش هاطول عليك اكتر من كده ولو أنا زعلت شويه وانت شويه نبقى خالصين يا عم... تامر حسني احنا اللي بينا كتير ماتزعلش يا عم وحقك عليه...وميعادنا الحفلة اللي جايه".
