عبّرت الفنانة اللبنانية جاكلين عن فخرها وإعتزازها بالسيدة فيروز، بعد زيارة الرئيس الفرنسي إيمانويل ماكرون لها أمس، والذي قلّدها وسام جوقة الشرف، وهو أعلى وسام فرنسي، وأشارت جاكلين إلى أن فيروز هي صوت الحق والحقيقة وهي أرزة لبنان الخالدة.
كما وجّهت جاكلين الشكر الى ماكرون على هذه الزيارة المهمة، ليؤكد على ما تمثّله فيروز في وجدان اللبنانيين، وأنه يثق بها أكثر مما يثق بالسياسيين في لبنان، بحسب تعبير جاكلين.
ونشرت جاكلين عبر صفحاتها الخاصة على مواقع التواصل الإجتماعي، صورة من زيارة ماكرون لفيروز، وعلّقت :"حبيبتي فيروز، الرئيس الفرنسي إيمانويل ماكرون وثق فيكي أكتر مما بيوثق بالسياسيين بلبنان، ميشان هيك قرر يزورك قبل الكل. إنتي صوت الحق والحقيقة، أكيد نقلتيلو وجعنا، والظلم اللي عم نعاني منه من عشرات السنين. إنتي يا أرزة لبنان الخالدة، منقلك إنو كلنا منحبك، ورح نضل نحبك تيخلص العمر. وللرئيس الفرنسي إيمانويل ماكرون، كل الشكر، ولفرنسا الحبيبة ولشعبها كمان، ومنضم صوتنا لصوت السيدة فيروز ومنغني معها أغنيتها ومنقول :"باريس يا زهرة الحريّة، يا ذهب التاريخ يا باريس، لبنان باعتلك بقلبي سلام ومحبّه وبيقلك لبنان: رح نرجع ونتلاقى عالشعر وعالصداقة عالحقّ وكرامة الانسان… يا فرنسا: شو بقلّن لاهلك عن وطني الجريح؟ عن وطنيّ اللي متوّج بالخطر وبالريح؟ قصتنا من أوّل الزمان: بيتجرّح لبنان بيتهّدم لبنان بيقولوا ماتوا ما بيموت وبيرجع من حجارو يعليّ بيوت وتتزيّن صور وصيدا وبيروت".
