جدل كبير أثارته الممثلة المصرية شهيرة حول الحالة الصحية لزوجها الممثل المصري محمود ياسين، قائلةً :"حالة محمود لا تتحسن، ربنا موجود مش عارفة هنعمل إيه، الواحد بيقول يا رب تعدي الأزمة، الموضوع إنه ملوش علاج، ربنا يرفع عنه ويشفيه".
وأضافت :"حالته ساعات تبقى إلى حد ما الواحد يتقبلها، وساعات أتهز أوي، ولادي يقولوا لي يا مامي ما إحنا عارفين تطورات الموضوع، عشان أنا ملزماه باستمرار أي تفصيلة ولو صغيرة بتأثر معايا، أنا بس بتمنى من ربنا الحالة متدهورش، لو حتى هتثبت على كده أنا راضية، يعني حتى هقول الحمد لله حسه في الدنيا".
وتابعت في مداخلة هاتفية لها ضمن لبرنامج (التاسعة) الذي يقدمه الإعلامي المصري وائل الأبراشي :"محدش بيدخل عندي نهائي من 5 أشهر، عمرو قالي أنا عايز أشوف أبويا قولتله أنت مخالط، قال ما إحنا لازم نعيش الحياة وموضوع (كورونا) مطول وناخد بالإجراءات الاحترازية، قولتله أوك مقولتش حاجة بس من بعيد، بخليهم يشوفوه وهما لابسين الكمامة من بعيد أوي أوي، رانيا سمحت لها إمبارح تشوفه من بعيد، يعني كانت هي في الجنينة وإحنا في الغرفة".
وبعد أن أثار حديثها هذا قلقاً كبيراً بين الجمهور على صحة ياسين، عادت وأوضحت شهيرة عبر صفحتها الخاصة على أحد مواقع التواصل الإجتماعي قائلةً :"محمود ياسين بخير وحالته الصحية مستقرة على عكس ما جاء في بعض المواقع".
وأضافت: "لم يجد جديد على الحالة إطلاقا، والحمدلله ولا مستشفي ولا غيره، بس ياللا بقي ده العادي، مداخلة عادية مع وائل الإبراشي على كارثة لبنان وأنا كنت متأثرة جدا للحدث المفزع ده وتطرق الحديث بالسؤال عن صحة زوجي وطمأنت الجمهور أن الحالة مستقرة ونسأل الله الثبات على ذلك والحمد لله وربنا يشفيه ويشفي كل مريض".
