هاجمت الممثلة المصرية ريهام حجاج الشعب المصري، وتحديداً الذين علقوا على موضوع خيانة جادا بينكيت، زوجة النجم الأميركي ويل سميث بخيانتها له، والتي أثارت ضجة واسعة خلال الأيام الماضية.
وكتبت حجاج عبر صفحتها الخاصة على أحد مواقع التواصل الإجتماعي :"مفيش بجد أي شعب تاني لا صيني ولا هندي ولا حتى في الشعوب العربية.. دا إن دل على شيء فيدل على إن إحنا أكتر ناس شتامين ونمامين ومتنمرين (مع إننا مفروض متدينين.. معرفش إزاي)، وإننا خلصنا أمراضنا النفسية والحشرية على نفسنا وكشفنا قرف بعض فقلنا نكشف نفسنا للعالم بقا".
وأضافت حجاج: "إحنا الشعب الوحيد اللي تفاني في سوء استخدام السوشال ميديا والحمد لله دا كان الإنجاز الوحيد اللي حققناه منها.. هو مش مفروض نحشر نفسنا ونحكم على حياة حد في العموم.. فمنتهى الفجر والقدر الحكم على حياة حد لا هو من بلدك ولا ثقافتك ولا تفكيرك ولا تربيتك".
وختمت :"يعني مش بس مش قادرين نحترم اختلاف بعض لأ مش عارفين نحترم اختلاف الثقافات الأخرى.. إحنا عدينا البراميل بلا رجعة".
