شنّت مقدمة البرامج اللبنانية كارلا حداد هجوماً عنيفاً على الممثلة اللبنانية سهى قيقانو، ووصفتها بـ"الشنعاء"، بعد أن نعتتها الأخيرة بـ"المطلقّة".
وكانت قيقانو كتبت في صفحتها الخاصة على أحد مواقع التواصل الإجتماعي: "دخلكون كل فنانة ممثلة مذيعة اعلامية مطلقة بتنشعط وبتهبلا؟ لازم تشدو حالكون لو حظكون تعتير... اذا مذيعة deja هبلة وتطلقت وانجدبت بزيادة شو منقلا؟ المذيعة المشحوطة من الـmtv".
لترد عليها كارلا، قائلة: "انت ردي المصاري يلي بدن ياها منك العالم يا وسخة يا بلا اخلاق".
كما كتبت كارلا: "أنا كان عندي قناعة إنّو ما لازم ولا مرّة ردّ أو إنزل لمستوى ما بليق فيّي، بس سكوتي تُرْجِم بالضّعف وسمح لأهل الباطل يتوهّموا إنّن على حق. بسمح لحالي إنزل لمستوى وردّ على شنعاء كنت إشفق عليها قد ما بيحكوا عنها بالعاطل. قالت أنا مشحوطة من ال.أم.تي.في. وأنا ح ردّ عليها وقول: مع إنو الموضوع صار قديم بس أوّل مرّة بحكي فيه: أنا تركت المحطّة بعد ما عرضت عليي برنامج مع ماريو باسيل إسمه "حبّك نار" ما كان بيرضي طموحي خاصة بعد 3 سنين من إنتظار موسم جديد من "رقص النجوم"، ولأمور كتيرة بتحفّظ عن ذكرها... والمعنيين بيعرفوها كتير منيح".
وأضافت: "الشنعاء قالت إني هبلة، أكيد هبلة بالمواضيع يلي هيّ، حسب ما بسمع عنها، ضليعة فين (ما قصّر فيها مروان نجار) وطلعت هي مشحوطة من أكتر من مكان لعدم دفعها أموال مُستحقّة. وما بعرف ليه عم تنعتني بالمطلّقة. أنا طليقة حرّة من أفكارك الوسخة ومستواك الرخيص".
