أعربت الممثلة المصرية شيماء سيف عن تضامنها مع الفنان المصري محمد رمضان، بعد تعرض طفله للتنمر بسبب لون بشرته السمراء، كما والده.
وكتبت سيف عبر صفحتها الخاصة على أحد مواقع التواصل الإجتماعي :"الفنان أو الفنانة من دول لو خبئ ابنه عن الأضواء أو حط على وشه في الصور قلب او اى حاجة عشان ميتعرفش ويعيش حياة طبيعية تمسكوه تبهدلوه وهات يتلقيح وهو فاكر نفسه مين وهو يعنى محدش خلف غيره وكلام من ده كتيرررر يضايق ويسم البدن ولو عاش حياته طبيعي ونزل صور ولاده تستلموه تريقة هو وعياله وأهله بلا رحمه والكارثة أن التريقة على لون وشكل يعني هو ملوش أي ذنب وأنت ياجميل يالي مفيش فيك غلطة بتعترض على خلقة ربنا طب نعمل ايه طيب ؟! والسؤال هنا كمان الى بيكتب كده ده ضميره مش بيئنبه ولو لحظة صغيرة".
وكانت إحدى المتابعات، سخرت بشكل غير إنساني من لون بشرة رمضان وإبنه، إذ قالت: "اسود زي أبوه المصيبة ان ما حدش من عياله في جمال امهم ولا لونها،" فرد رمضان عليها بالقول: "أنا فخور بلوني ولون أبويا وأولادي.. اللي ربنا خلقه ومبسوط أن ولادي هيطلعوا ضد العنصرية والدليل أن أمهم وأبوهم لونين مختلفين عن بعض".
