إستضاف الإعلامي المصري عمرو أديب في برنامج "الحكاية" على شاشة "mbc مصر"، أبطال مسلسل "ونسني" المقرر عرضه في شهر رمضان عبر شاشة "mbc مصر"، ومن بينهم الفنان أحمد سلطان، الذي ظهر وهو يعطس في بداية الفقرة، فقال له أديب ممازحاً :"إنت كنت بتعطس يا أحمد، أنا معنديش حد يعطس هنا"، فرد عليه سلطان :"أنا مش بعطس أنا كنت بهزر، وبعدين هما معليين التكييف هنا، متقلقش حتى لو عطست مش هتوصل عندك".
وقال سلطان عن مسلسل "ونسني" :"الضحك فيه مذهب، الضحك أهم رسالة في العالم، لو عندك مصايب الدنيا الناس بتنساها في الدقيقتين اللي بتضحك فيهم، أنا شايف إن المسلسل ده لو اتشاف هيكسر العالم".
فقال له أديب :"أنت طبعا أستاذ نكتة، وأنت شكلك لوحده يضحك، لما بشوفك بضحك"، ليرد عليه سلطان :"الارتجال سهل، المسلسل فيه ضيوف شرف في كل حلقة، معانا من النجوم ضيوف الشرف سوسن بدر وصلاح عبدالله وماجد المصري ومحمود عبدالمغني ومحمود البزاوي وغيرهم من النجوم".
