عبرت الإعلامية المصرية بسمة وهبي عن إستيائها من تصريحات رجل الأعمال المصري حسين صبور، التي طالب فيها بعودة الناس الى لعمل، حين قال :"رجعوا الناس للشغل فورا.
. لما شوية يموتوا أحسن ما البلد تفلس.. ولو المستشفيات مش هتستوعب.. ما نتعالجش، ومش هتبرع.. فلوسى لموظفيني.. أنا مش مسؤول عن دخل الشعب"، وقالت وهبة :"يعني الدولة زودت البدل لأطباء مصر اللي هما الجيش الأبيض، وعملت رحلات استثنائية لعودة العالقين من الخارج، وبتعمل مسح طبي عشان تضمن إن مفيش أي حد من المصريين، يصيبهم أذى، وأنت تطلع في الفيديو تقول مش مهم 50 ألف مواطن يموت، المهم الاقتصاد يبقى شغال".
وأضافت :"أنت رفعتلي ضغطي وأنا مش موافقة على تصريحاتك.. مفيش مسؤول أو رئيس أو أي حد، ممكن يوافق على كلامك.. أنا حزينة والمصريين واخدين على خاطرهم منك، الدولة من أول موضوع كورونا وبتتحرك.. وبتنفق المبالغ وتسير الطائرات اللي رايحة واللي جاية.. وفنادق فاتحة وبدل أطباء للجيش الأبيض.. الدولة مش عاوزة مواطن واحد حياته تروح".
وتابعت :"أنت مش فارق معاك المواطن المصري إنه يموت، وكل تفكيرك فتح المصانع والشركات.. لا محدش يرضى كدا على أولاد بلده.. تصريحاتك دي مش قادرة أبلعها، طب إيش عرفك إن يكون من بين الـ50 ألف دول، أنت وأسرتك، أنا مش بتمني الأذى لحد".
