أكّد الفنان المصري تامر حسني أن فيلمه الجديد "الفلوس" تصدّر في مصر والعالم العربي، كاتبا على حسابه الخاص: "الحمد لله فرحان جداً بتصدر فيلم الفلوس بالشكل دا في مصر والوطن العربي وتوزيعه عالمياً هذه الأيام، اللي مفرحني أكتر إن الفيلم نزل في أيام عادية مش موسم أفلام ولا أجازات بالعكس هو نزل مع فترة امتحانات وكان معاه أفلام عالمية زي فروزين ٢ وچومانچي للعالمي ذا روك".
وتابع: "الحمد لله فيلم الفلوس تخطى كل الأفلام دي في مصر والوطن العربي وحقق رقم جديد في حياتي الفنية رغم إنه نوع جديد عليا وممكن يكون غير متوقع مني وكانت مجازفة كبيرة مني إني اعمل نوع زي دا وعارف إن في ناس كانت متوقعة إني اقدم نفس اللي قدمته قبل كدا بس أنا أكيد مش بكرر نفسي، وبحاول ديماً تطوير نفسي والتغيير مطلوب جداً لإن التكرار عمره قصير ولازم أحاول أخاطب كل الأذواق وأقدم مختلف الأشكال على مدار رحلتي في السينما".
مع العلم ان فيلم "لص بغداد" للممثل المصري محمد إمام كان تفوّق على فيلم "الفلوس" في شباك تذاكر موسم اجازة نصف السنة، وذلك في الإيرادات اليومية بعد طرح "لص بغداد" الأربعاء الماضي في دور العرض.
