تحدثت الممثلة المصرية علا رشدي عن تأثير مواقع التواصل الاجتماعي على الجيل الجديد وتأثرهم بالمشاهير، مشيرا الى ان ليس كل ما يرونه يكون حقيقي، قائلة على صفحتها الخاصة: "مش كل صورة تشوفوها تصدقوا إن ده الواقع اللي البني آدم ده عايش فيه طول حياته.. مش عشان حاطه ميكب وعامله شعرها ولابسة حلو جدا وشادة وشها تبقا حياتها حلوة.. دي بتقلع كل ده بعد الصورة ما تخلص وتبقا عادية".
وتابعت: "متتأثروش بالناس دي وتقولوا يارتني كنت زيهم ازاي حياتهم حلوة كده وازاي صورهم حلوة كده أكيد عايشين حياة حلوة.. مفيش حد عايش الحياة بالشكل ده كل الناس عندها مشاكل وبتكتئب وبتبقا تعيسة وشكلها مش مبسوط عادي.. في أيام حلوة وأيام وحشة.. مفيش حد حياته حلوة طول الوقت.. لكن السوشيال ميديا للاسف مش بيبان عليها الأوقات الصعبة".