كشف الفنان المصري تامر حسني انه قرر للمرة الأولى العمل مع شقيقه حسام حسني وذلك من خلال انتاج الأخير لفيلم تامر الجديد.
تامر الذي رفض خلال السنوات الماضية التعامل مع شقيقه فنياً بسبب قلة خبرته في المجال، يبدو أن غيّر رأيه وقرر العمل مع حسام بعد اكتسابه للخبرة اللازمة.
وكشف تامر عن الخبر عندما نشر عبر حسابه الخاص على أحد مواقع التواصل الإجتماعي صورة تجمعه بـ"حسام" عندما كان يوقع معه عقد الفيلم الجديد، وعلق عليها :
"الصورة دي والفرحة اللي في ضحكة حسام اخويا لازم اكلمكوا عنها".
"دا حسام اخويا الكبير كان نفسه يدخل عالم الإنتاج الفني من 5 سنين و ينتجلي وانا الحقيقه كنت دايمًا برفض وكان بيزعل مني بس كنت دايمًا بشرحله إنه لازم يدرس السوق الأول وميعتمدش عليا و يفهم ويذاكر كتير اوي مش عشان ينتج لاااااا عشان يكون منتج شاطر".
"وفعلًا عمل كدا واستوعب كلامي وبدأ يتفرج و يتابع كل اللي بيحصل من أول فيلم أهواك و تصبح على خير لحد ما شارك بجزء بسيط في انتاج فيلم البدلة وأشرف على إنتاج ألبومي عيش بشوقك وانتوا اكيد شايفين العملين طلعوا ازاي للناس وازاي نجحوا والحمدلله كل عمل فيهم في السنه دي حقق نجاح كبير جدًا".
"أنا في الصورة دي كنت قاعد بمضي عقد اول فيلم انتاجه و وكان بيقولي (طلعت عيني عشان القعده دي ) و انا كنت بقوله إوعى تزعل مني انا كنت بعلمك تكون قد المسؤليه لوحدك ودلوقتي بأمانه انت قدها و انا اللي فخور انك بتنتجلي عشان شايفك بجد شخص بقى شاطر جدًا ومجتهد و بتفكر صح و شركتك دلوقتي فيها اقوى الأفراد من كل الجوانب و انا فخور بيهم كلهم فعلًا ،الف مبروك يا حبيبي يا اخويا الكبير ياللي ياما علمتني حجات جميله وانا صغير النهارده بردهالك من قلبي و بدعيلك ربنا يكرمك و يكرمنا جميعًا و يكرم كل مجتهد و تكمل مشوارك و تنتج ليا و لغيري".
