أعلن الفنان المصري رامي جمال إتخاذه خطوة جديدة لمواجهة مرض البهاق الذي كشف عن إصابته به مؤخراً، وذلك لمواجهته وعدم الإستسلام له.
ونشر جمال عبر صفحته الخاصة على أحد مواقع التواصل الإجتماعي، صورة كتب فيها :"لو اترفضت بسببه في شغل ابعتلي ونعرّف الناس اسم المكان اللي مفيهوش إنسانية ده.. لو أنت أو أنتي اترفضتم من اللي هتتجوزوه بسببه.. أنتم الكسبانين اللي يبص على لون جلدك قبل لون قلبك إنسان فاضي ميتعاشرش".
وتابع: "ياريت كل الناس يبقا عندها الحظ والدعم اللي شوفته منكم والدعم من ساعة ما كتبت.. والتليفزيون مبيتكلمش غير عليا.. دكاترة جلدية مشكورين عرضوا علاجي وأنا بقولكم كتير أولى مني بالعلاج المجاني، وشايف ناس كتير بدأت حملات توعية آه متأخرين بس كويس أنهم بدأوا".
وأضاف: "أنا مش هسكت وهعمل أغاني وحملات توعية عنه ومش هسكت إلا لما يبقا البهاق من علامات الجمال.. أنتم طمعتوني بالتحضر والرقي اللي شفته وبقت مسؤولية إني أنجح وأبقى صوت لكل اللي اتميزوا بيه وادعمهم وأشوف فرحتهم زي ما فرحتوني".
