علّق الفنان والشاعر اللبناني فارس اسكندر على المظاهرات التي يشهدها لبنان منذ 9 أيام، والتي يقودها الشعب اللبناني للمطالبة بحقوقه وإسقاط السلطة الحاكمة، ولاسيما على الإنتقادات التي تطال المتظاهرين بسبب الشتائم التي يقولونها للزعماء.
وكتب اسكندر عبر صفحته الخاصة :"بقناعاتي وبمفهومي المتواضع ، مبدأ التسامح بموضوع الشتيمة تحديداً والعفو عند المقدرة ومبادلة الإهانة بالمحبة وبالابتسامة وحتى بالتطنيش إن دلّو على شيء فا هني بيدلّو على صلابة وقوة شخصية وثقة بالنفس وتصالح مع الذات وترفّع عن السقوط بمستنقعات الفتنة اللي حفظنا زواريبها عن غايب وشرّبتنا من كوع دم ومن كوع سم".
وأضاف :"يا خيي ويشتمولَك زعيمك شو يعني !؟ ما انت عاطلوع خلقك ألله اللي خلقك وخلقلك زعيمك بتنزلو عالأرض مية مرة بالنهار، ماسكلي واجب مع زعيمك ؟ ما بيعرف يحمي حالو هوي مثلاً!؟ عندك قدرة وسلطة ومال وحرس ونفوذ قد ضفر إجرو لزعيمك انت يا مريض !؟ ليش هيك مغسول دماغكن !؟ ليش عاملين درع بشري لأشخاص متلنا متلهن، ناس عاديين لا بل بأخطائهن وسرقتهن إلنا فشروا يوصلو لمرتبة العاديين او يكونوا متلنا".
وتابع :"انتو لما بتنفعلو وبتعصبو وبتنتقموا وبتنجرو لهيك خلافات من تحت راس زعيم نايم بقصرو معرّم ومرتاح ، بتكونوا بالضبط متل الفقير اللي ما معو إلا قوت يومو هوي وولادو وراح عزم فيهن واحد مليونير عامطعم على حسابو ليبيّض وجه معو وبس اتطلع المليونير بالاكل ما عجبو قرف وقلبت نفسو قام بهدل الفقير عاهيك عزيمة معفنة وعصب منو وفَل".