بعد إتهامها المشاهير بتقاضي الأموال.. وسام حنا وهشام حداد ووسام بريدي يردون على مي خريش

blob.core.windows.net/elnashra/elnashra/elfann/images/inline_article_image_new/6225561_1541418460.JPG" style="float: left;" />"مش صدفة الإتصال بالمشاهير والوجوه المؤثرة وعرض الأموال عليها للمشاركة بالحراك. مش صدفة إنّو الناس يلّي صرلها سنين موجوعة يكون سبب وجعها جبران باسيل. مش صدفة التنظيم الموجود على الأرض علماً إنّو لهلق ما في قيادة للحراك. في ناس موجوعة أكيد وفي ناس مأجورة إحذروها... الحرب الناعمة".
وجاء رد حداد :"صديقتي فينا نعرف أسامي؟ كلّ اللي قالوا إسمي رح ينرفع علين دعاوي، وفي حال عدم نفي صاحب التويت، رح ضمّا للدعوى".

أما الممثل وسام حنا فرد :"مش صدفة انو توصل sesobel للمكان لوصلتلو بالفترة الأخيرة لو ما حضرتك ما كنت عضو وأمينة سرّ لهالمكان العظيم. هذه الثورة العظيمة أساسها نساء عم بيناضلوا لهالبلد يللي حضرتك ما بتشبهين. نحنا وج لبنان الحلو ما مننشرى ومننباع متل ما انت معوّدة. بتعرفي يا ريت ما رديت عليكي".

بدوره الإعلامي وسام بريدي رد :"نحنا ناس بدنا ناكل عنب ما بدنا نقتل الناطور، من أوّل نهار وقبل ما تصير هيدي الثورة عم نتوجّه للناس المسؤولين لأنو منآمن انو لازم يكون في مسؤول ولازم المسؤول يسمع صوت الناس.. ما بعرف من أي منظور عم تتوجّهي لإلنا انو نحنا مرتزقة ومننشرى ومننباع. الوجع اللي عم نعيشو كلّ يوم وحضرتك كمان عم بتعيشيه وكلّ جمهور الأحزاب عم بيعيشوه، هالوجع مش لأنو في جبران باسيل والرئيس عون ورئيس الحكومة ومجلس النواب، الوجع لأنو نحنا عم نحمل سياسة إقتصاديّة عمرها سنين ولليوم ما عم نقدر نوصل لنتيجة. نزلنا عالطريق لأنو متلنا متل الناس، نحنا من الناس وما بيتصلوا فينا ت نعمل شي، منعرف كتير منيح الوجع اللي عم نعيشو، عيب كل ما حدا عبّر عن وجعو يتخوّن".