صدمت الممثلة المصرية نشوى مصطفى الجمهور بعد ان كشفت انها تبحث عن فرصة العمل في أي عرض سينمائي أو درامي، وذلك لأنها لم تعد تتلقى عروضاً.
وبعد أن أعلنت نشوى ذلك، انتشرت اخبار تفيد ان الممثلة المعروفة اعلنت بشكل غير مباشر إفلاسها، لكن سرعان ما أوضحت الموضوع عبر حسابها الخاص على احد مواقع التواصل الاجتماعي، وكتبت: "توضيح هام من يومين كتبت بوست والحقيقة كالعادة الفترة اللي فاتت بقيت اي حاجة باكتبها بيكون رد الفعل تجاهها اكبر من توقعاتي بمراحل البوست كان ملخصه اني عايزة أمثل والحقيقة اي فنان زميل هيفهم معنى ان طاقتك وموهبتك متعطلة".
وأضافت :"إنك تكون مركون على المعاش وانت لسة عندك طاقة بدليل أن العظيمة أمينة رزق كانت بتمثل لاخر يوم فب عمرها اللي تجاوز التسعين سنة وانها قدام الكاميرا كانت بتتحول لطاقة فنانة فب التلاتين المهم انه اتفهم من البوست انى لاسمح الله محتاجة امثل علشان محتاجة فلوس مثلاً وده عرفته من كم التليفونات اللي تلقيتها او من كم الناس السفلة الشمتانين الكارهين واللي بيكرهوا اي حد بيقول تحيا مصر".
وتابعت :"واحب اوضح لكل الناس محبين أو كارهين أني من فضل الله سبحانه وتعالى مستورة جداً واني متزوجة من راجل بيعولني ومن فضل الله زوجى عنده بزنس ساترني وساتر بيتي وولادى اللي بفضل الله اتعلموا جوه مصر وسافروا كملوا دراستهم في امريكا والمانيا وبفضل الله وبكرمه ونعمته واجتهاد زوجي الحمد لله مستورة وأن زوجي معاه جنسية امريكية وأنه من الممكن انه ننتقل للعيشة في امريكا ودخلنا من شغله يكون اعلى بس احنا زي السمك مانقدرش نسيب مصر".
وختمت :"وباعتذر لكل القنوات العربية والمصرية اللي كلموني علشان يستضيفوني علشان نتكلم في البوست وباشكر اخواتي واصدقائي المنتجين في الكويت وفي الامارات على عروضهم الطيبة وفعلاً الفنان فنه مالهوش حدود تقاس بالكيلومترات انا بحبكم ".
