ردت الإعلامية المصرية رضوى الشربيني على الانتقادات التي طالتها بعد حديثها عن مصطفى الشهير بـ"أبو تورته"، وأزمته مع خطيبته التي ضجّت بها مواقع التواصل الاجتماعي، متهمين اياها بأنها تحدثت بشكل انفعالي من دون ان تسمع الطرف الأول.
وقالت رضوى في برنامجها "هي وبس" عبر قناة cbc سفرة، "إحنا من امبارح لحد النهارة اتهاجمنا كتير بس الحمد لله أنا وفريق العمل كلنا جتتنا نحست الحمد لله رب العالمين.. الدنيا مشيت وربنا يجعل في ميزان حسناتنا كل الكلام ده".
وتابعت :"الناس اللي بتقولي تنمرتي بيه وسمعتي من طرف واحد.. مش محتاجة اسمعه شوفوا الحوار الصحفي اللي عمله قال فيه ايه.. أنا عارفه إنه شبه راجل بس خشوا صفحته وإن شاء الله ميكونش مسح الصورة اللي نشرها تاني يوم وهو بيحتفل بالتورتة مع أصحابه.. وبعدين تعالي كلمني في الأداء الأوفر وفي رد فعلي وصوتي والزعيق.. أنا قلبي كان هيقف لما شوفته هو وصحابه بيحتفلوا".
وكان مصطفى قد ترك خطيبته يوم خطوبتهما مع عائلته مدعيًا أنه مريض، ولم يكتفِ بذلك فقط بل اخذ قالب الحلوى معه فلّقب بـ"مصطفى أبو تورته".
