كشفت الفنانة شذى، عن حالة الفنان المصري هيثم شاكر الصحية، الذي أعلن مؤخرا عن مرضه الذي كان السبب في ابتعاده عن الساحة الفنية مؤخراً.
ونشرت شذى صورتها الى جانب هيثم عبر حسابها الرسمي على أحد مواقع التواصل الإجتماعي وعلّقت قائلة: "هيثم كان فعلا مريض بمرض خطير، ربنا يبعد كل شر عن أي حد يا رب، والحمدلله هو تعافى بس هو لسه في حاجات كتير محروم منها وأهمها حاجة أساسية لأي كائن حي، وهي نعمة الأكل، هيثم لحد دلوقتي وهيفضل كده ميقدرش ياكل بشكل طبيعي، وده سبب اختفائه كل الفترة دي".
وتابعت، "وبسبب دا فقد كتير جدا من وزنه، عموما محدش بيسيب نجاحه بمزاجه ويختفي" وأضافت "هيثم هو اللي مكنش حابب حد يعرف حاجة عن كل معاناته دي علشان أصحاب النفوس المريضة ميفهموش إن هو بيعمل أي حوارات علشان يبرر بيها غيابه، ولما قرر يعرف جمهوره وأصحابه عرفهم، وكان عنده إصرار يعمل ألبوم محترم".
