فاجأ مدير أعمال الفنانة اللبنانية هيفا وهبي، الملحن المصري محمد وزيري الجميع عندما تقدم بإستقالته بعد خلاف حصل بينه وبين متابعيه وانعكس الأمر سلباً على وهبي.
واعلن وزيري استقالته حيث كتب : "هيفا حبيبتي إنتي عارفة كويس إني دايماً عايزلك أحسن حاجة وميهمنيش غير مصلحتك وطول الفترة اللي إحنا فيها مع بعض كنت بساعدك بقلب وإخلاص".
"وعارفة كمان إني عمري ما كنت مدير أعمال حد، وبعمل كده معاكي عشان إنتي أغلى حد عندي ومن غير أجر أو مقابل بس يكفيني أشوفك مبسوطة وعشان اللي شوفته منك ومعاكي وقلبك النضيف واللي بيننا يخليني أجيبلك الدنيا تحت رجليكي".
"وعلى أد ما أنا بحبك أكيد بحب أشوفك ناجحة ومرضاش بسببي جمهورك يهاجمك وأنا مش هقدر أغير موقفي ولا أي رأي أنا مؤمن بيه وأنا كمان مش هقدر على اللي بيتقالي وتقييمي على حاجة مش شغلتي أساساً".
"وأهلي اللي اتبهدلوا وكرامتي وإهاناتي اللي بشوفها، أنا بقولك رسمياً أنا مبقاش ليا أي علاقة بشغلك بس بقولك وبقولها لكل الناس إنك هتفضلي مسؤولة مني وهخاف عليكي".
